Croeso i’n Heglwys Brydferth

Mae’r prosiect wedi helpu i uwchraddio ein cyfleusterau, gan gynnwys hyb teithio cynaliadwy yn neuadd bentref Ysgoldy Goch gerllaw a gwaith adnewyddu’r Tŷ Elor a ddefnyddiwyd fel gorffwysfan ar gyfer eirch trigolion ein mynwent cyn eu hangladd ac sydd nawr yn storfa ddefnyddiol iawn.

Ym 1803, comisiynodd perchennog Ystâd yr Hafod, Thomas Johnes, y pensaer James Wyatt i ddylunio eglwys newydd. Roedd Wyatt yn enwog fel adferwr Eglwys Gadeiriol Caersallog a rhai plastai Gothig trawiadol.

Mae’r eglwys wedi’i chysegru i Sant Mihangel a’r Holl Angylion ac mae’n cynnig cyfoeth o hanes. Cynhelir gwasanaethau addoli dwyieithog ar yr ail Ddydd Sul bob mis am 10.30am.

Mae Eglwys Newydd yr Hafod mewn ardal dawel a phictiwrésg, ar ffin Ystâd yr Hafod, ac mae’n agored i’r cyhoedd rhwng 10.30am a 4.30pm o’r Pasg i ddiwedd mis Medi. Cynhelir cyngherddau a phriodasau yma hefyd.

Mae claddgell Thomas Johnes a’i deulu o Ystâd yr Hafod yma , yn ogystal â’r bedyddfaen sydd wedi’i addurno ag arfbais y teulu Johnes. Goroesodd y bedyddfaen y tân distrywiol yn yr eglwys fis Ebrill, 1932, ac mae wedi’i gerflunio ag arfbais y teulu Johnes a ffigyrau sy’n cynrychioli’r Prif Rinweddau.